ജൈവപ്രകൃതിയുടെ വികാസനിയമം കണ്ടുപിടിച്ച ഡാർവിനെപ്പോലെ മാനവചരിത്രത്തിന്റെ വികാസനിയമം കണ്ടുപിടിച്ച ചിന്തകനായിരുന്നു കാൾ മാർക്സ്. സംഘർഷഭരിതവും ദുരിതപൂരിതവും ആയിരുന്നുവെങ്കിലും വിജ്ഞാനാന്വേഷണവ്യഗ്രമായിരുന്നു എന്നും  ആ ജീവിതം. ആ ക്ഷീണിക്കാത്ത മനീഷയുടെയും മഷിയുണങ്ങീടാത്ത പൊൻപേനയുടെയും ഏറ്റവും ശ്രേഷ്ഠമായ സൃഷ്ടിയാണ് മൂലധനം. തൊഴിലാളിവർഗ്ഗത്തിന്റെ ബൈബിൾ എന്നാണ് ആ കൃതി വിശേഷിപ്പിക്കപ്പെടുന്നത്. മഹാനായ ആ മനുഷ്യസ്നേഹിയുടെ ജീവിതവും ദർശനവും ലളിതവും സരളവുമായി അവതരിപ്പിക്കുന്ന പഠനാർഹമായ ഒരു ഗ്രന്ഥമാണ് മാർക്‌സും മൂലധനവും.