ഹാജറയുടെ കവിതകളില് വിപ്രലംഭം അടക്കമുള്ള എല്ലാ പ്രണയഭാവങ്ങളും ഉണ്ട്. പ്രണയത്തിന്റെ ഉദാത്തഭാവമായ രതിയെ വാക്കുകളുടെ മൂടല്മഞ്ഞുകൊണ്ടു മനോഹരമായി മറച്ചുവച്ചിട്ടുണ്ട്.

പ്രണയത്തിന്റെ ഒരവസ്ഥ ഉന്മാദമാണ്. അതീവ ഹൃദ്യമായ ഉന്മാദം. അത് ഷാംപുവിന്റെയും പെര്‍ഫ്യൂമിന്റെയും രാത്രിയുടെയും മണമായും സ്വപ്നാടനങ്ങളില്‍ ഒഴുക്കിവിട്ട ചുംബനപ്പൂവായും പ്രളയവേഷം ധരിച്ച മഴയായും മുറിച്ചു മാറ്റിയാലും തഴച്ചു വളരുന്ന ചില്ലയായും ഹാജറയുടെ ഹൃദയാക്ഷരങ്ങളില്‍ ഉണ്ട്.