കാഴ്ചക്കാര്‍ക്ക് എന്നും ആഘോഷമാണ് ഒരു സിനിമാനടി. നടിയുടെ ജീവിതം താരസങ്കല്പങ്ങള്‍ക്കും ആരാധകരുടെ സ്വപ്നങ്ങള്‍ക്കുമിടയില്‍ ഒരു കുമിളപോലെ ഉയരുകയും താഴുകയും ചെയ്യുന്നു. മാറിമാറിവരുന്ന ട്രെന്‍ഡുകള്‍ക്കനുസരിച്ച്, ആടിപ്പാടി, കാണികള്‍ക്ക് സുഖംപകരാന്‍ വിധിക്കപ്പെടുന്ന നടിമാരുടെ സ്വകാര്യജീവിതം ഗോസിപ്പുകള്‍ക്കപ്പുറത്ത് നാം വേണ്ടത്ര ശ്രദ്ധിക്കുകയോ ചര്‍ച്ചചെയ്യുകയോ ചെയ്തിട്ടില്ല. ഈ പുസ്തകം ആ കുറവു നികത്തുന്നു. ആദ്യ മലയാളചിത്രത്തിലെ നായികയായ പി. കെ. റോസി മുതല്‍ ശാരദയും ഷീലയും ജയഭാരതിയും ശ്രീവിദ്യയുമടങ്ങുന്ന മലയാളത്തിന്റെ മുന്‍നിരനായികമാരുടെ സ്വകാര്യജീവിതരേഖകള്‍.