ഉയര്‍ന്ന ചിന്തയുടെ സ്‌ഫോടനങ്ങളും ഉദാത്ത സൗന്ദര്യത്തിന്റെ സരസ്വതിനദിയും ഒരുമിച്ചു ചേരുന്ന ഭാഷയിലൂടെ കെ. പി. അപ്പന്‍ വിശ്രുത നോവലുകളിലൂടെ സഞ്ചരിക്കുകയാണ്. ഫിക്ഷന്റെ അസാധാരണ തലങ്ങളിലൂടെ അനന്യമായ ഉള്‍ക്കാഴ്ചയുമായി കെ. പി. അപ്പന്‍ കലാസൃഷ്ടികളെ നിര്‍ദ്ധാരണം ചെയ്യുന്നു. വരാനിരിക്കുന്ന കാലത്തിനും വായനയ്ക്കും ദൃഢപേശികള്‍ നല്‍കിക്കൊണ്ടാണ് അപ്പന്‍ ലോകോത്തര നോവലുകളിലൂടെ വായനക്കാരെ കൂട്ടിക്കൊണ്ടുപോകുന്നത്.കെ. പി. അപ്പന്‍ അന്തരിച്ചിട്ട് നാലു വര്‍ഷം തികയുമ്പോഴും അദ്ദേഹത്തിന്റെ ആ രചനകള്‍ പര്‍വ്വതാഗ്രത്തിലെ ഏകാന്തഗോപുരങ്ങളായി നിലകൊള്ളുന്നതു കാണാം.