കിച്ചണ്‍ മാനേജ്‌മെന്റില്‍ അപാര വൈദഗ്ധ്യമുള്ള അമ്മൂമ്മയില്‍ നിന്നും അമ്മയില്‍നിന്നും കണ്ടും കേട്ടും പഠിച്ചെടുത്ത നുറുങ്ങുകളും, സീഫുഡ് കയറ്റുമതി ചെയ്യുന്ന വ്യവസായ കുടുംബത്തിലേക്ക് വിവാഹശേഷം എത്തിച്ചേര്‍ന്ന എനിക്ക് അവിടെനിന്നും ലഭിച്ച അറിവുകളും പിന്നീട് ടോക്കിയോ ബേ എന്ന റെസ്റ്റോറന്റ് നടത്തികൊണ്ടു പോകുന്നതിനിടയില്‍ ലഭിച്ച ടിപ്‌സുകളും ടെലിവിഷന്‍ ചാലനുകളില്‍ അവതരിപ്പിച്ച കിച്ചണ്‍ ടിപ്‌സ് എന്ന പരിപാടിയുടെ വിജയവുമാണ് ഇത്തരമൊരു പുസ്തകം തയ്യാറാക്കാന്‍ എനിക്കു പ്രചോദനമായത്. ഒരു വീട് എന്നും പുതുമയോടെ സൂക്ഷിക്കാനും, പണവും സമയവും ലാഭിച്ചുകൊണ്ട് പാചകവും മറ്റു വീട്ടുജോലികളും എളുപ്പത്തില്‍ ചെയ്തുതീര്‍ക്കാനും ഓരോ വീട്ടമ്മയേയും സഹായിക്കും ഈ അടുക്കള നുറുങ്ങുകളുടെ അക്ഷരക്കൂട്ടം.