പ്രായഭേദമെന്യേ ലോകമെമ്പാടുമുള്ള വായനക്കാരുടെ ഹൃദയങ്ങളെ ടാഗോര്‍ കഥകള്‍ ആകര്‍ഷിച്ചുകൊണ്ടിരിക്കുന്നു. സിനിമ, നാടകം, സീരിയല്‍ തുടങ്ങിയ ആധുനിക കലാരൂപങ്ങള്‍ക്ക് ഈ കഥാലോകം വീണ്ടും വീണ്ടും ഇതിവൃത്തമൊരുക്കുന്നു. കാലത്തെ അതിശയിപ്പിക്കുന്ന കാബൂളിവാല, പോസ്റ്റുമാസ്റ്റര്‍, നയന്‍ജോഡിലെ ജമീന്ദാര്‍, വിശക്കുന്ന കല്ലുകള്‍, ഭിക്ഷക്കാരി തുടങ്ങിയ അനശ്വരകഥകളടങ്ങുന്ന ടാഗോറിന്റെ സമ്പൂര്‍ണ കഥാലോകം മലയാളത്തില്‍ ആദ്യമായി ഒറ്റ വാല്യത്തില്‍. മനുഷ്യജീവിതത്തിന്റെ സമസ്തവൈചിത്ര്യങ്ങളും വൈവിധ്യങ്ങളും അവതരിപ്പിക്കുന്ന കഥാലോകം!